Como xa comentamos en entradas anteriores o 23 de abril celebramos o
Día do Libro, en conmemoración do IV centenario da publicación da segunda parte
de El Quijote.
Realizamos conxuntamente moitas actividades no centro, entre as que
podemos destacar:
-
Ambientamos a entrada do centro
coa representación dos tres personaxes máis representativos: Don Quixote,
Sancho Panza e Dulcinea, vestidos cos traxes típicos daqueles tempos.
-
-
Decoramos tamén cun muiño de vento,
elemento significativo na obra, e con diferentes versións do Quixote dende unha
completa ata varias versión adaptadas a distintos ciclos escolares.
-
A parte máis importante e creativa
foi traballada intensa e entusiastamente polos nosos alumnos que se implicaron
realizando: debuxos de escenas significativas da obra, creando marcadores de
libros, recompilando refráns da obra, ...
-
A lectura conxunta da obra
representou un momento moi emotivo que se realizou nas clases e posteriormente no
recreo, coa participación activa dos alumnos, fixemos un breve relato sobre a
vida e obra do autor e lemos poesías adicadas aos personaxes máis importantes.
Grazas a todas estas
actividades conseguimos achegarnos a esta gran obra da literatura española e
fomentar a súa lectura entre os nosos alumnos e toda a comunidade educativa.
