Este curso para conmemorar o mes e o día da
biblioteca, propuxémonos explorar o sistema empregado nas
bibliotecas para clasificar e ordenar os fondos bibliográficos,
coñecido como CDU (Clasificación Decimal Universal) e que consiste na ordenación do coñecemento a través de 10
díxitos (do 0 ao 9). Como dentro de cada grupo principal pode haber
múltiples subgrupos convertese nun sistema de clasificación moi útil e flexible.
Comprobamos e iremos comprobando, in situ, como
os materiais teñen a súa propia identificación e que os libros se ordenan nos
andeis de arriba a abaixo e de esquerda a dereita, segundo unha etiqueta
denominada tejuelo, que figura no
lombo do libro, onde se indica os díxitos da CDU, as tres primeiras letras do
apelido do autor e as tres primeiras letras do título.
Previamente nas aulas traballamos a CDU e as
súas cores:
Os máis pequenos centráronse nos dez grandes
grupos dun xeito lúdico, visual e ecolóxico: os de infantil elaboran o tren da
CDU con cartóns de leite, os de 1º dous acios de uvas con tapóns de botella e
plastilina sobre unha táboa dunha caixa de froita e os de 2º dous fermosos acios con cintas de cores.
Aquí tedes os fermosos resultados
Os máis maiores (3º, 4º, 5º e 6º) ademais de pintar a margarida
da CDU, ocupáronse de coñecer tamén os pequenos subgrupos e entre todos están
rematando un fermoso traballo que moi pronto vos presentaremos.
