Voluntariado lector intercentros: Contacontos do CEE Infanta Elena

Como tódolos venres, este venres tamén houbo CONTO; aínda que  nesta ocasión os contacontos non foron membros da nosa comunidade educativa (familiares, alumnos, persoal non docente e/ou profesores) senón un grupo de alumnos do CEE Infanta Elena.

Moitas felicidades a estes supercontacontos, que coa súa maxistral interpretación conseguiron manter a atención dun amplo número de alumnos que voluntariamente acudiron escoitalos, quedaron todo o recreo e incluso foi necesario amplialo.

Moitas grazas aos alumnos e as profesoras implicadas por participar neste voluntariado de lecturas solidarias intercentros, unha experiencia moi gratificante para todos.

Moitas felicidades aos alumnos de un e outro centro que nos fixeron pasar un rato moi agradable coas súas solidarias lecturas e interpretacións teatrais e musicais.

Moitas grazas tamén a TODOS os lectores solidarios que durante o curso,  fixeron posible continuar con esta actividade de ”Todos os venres… un conto”, ininterropidamente durante catro anos.

MOITAS GRAZAS A TODOS!

O Preguntón da Luz

Do 19 ao 26 de Maio realizamos O Preguntón, concurso no que participou practicamente o 100/100 do alumnado.

A entrega de premios fíxose en dous actos, por un lado o día 5 venres, coincidindo co día mundial do Medio ambiente, tivo lugar a entrega de premios do Preguntón aos alumnos de Primaria, e o luns día 8, entregáronse os de Infantil.

Grazas aos alumnos por participar e aos profesores por colaborar; sen a vosa axuda non sería posible!.

Moitas felicidades a os gañadores, pero sobre todo moitas felicidades a todos os participantes, porque non debemos esquecer co verdadeiro premio é traballar en equipo e aprender cousas novas.

Dende o equipo da biblioteca tentamos valorar ao máximo a vosa participación, primeiro cunha corrección xusta e da cordo coas bases e segundo elaborando con cariño e esforzo, os diplomas, as medallas e as tarxetas de participación, un símbolo de valoración e recoñecemento ao esforzo persoal e ao traballo en equipo.

Gustaríanos poder entregar aos gañadores uns agasallos mellores, pero lembrade que, dadas as nosas limitacións económicas, son un extra, e que o verdadeiro premio é que o voso esforzo e traballo en equipo tivo éxito. Parabéns!!!

Un venres moi familiar

En consonancia co Plan de Lectura do Centro, Biblioforte, quere incentivar, apoiar e valorar o papel fundamental das familias no fomento da lectura e poren na mellora do rendemento académico dos seus fillos, pondo en marcha proxectos de animación a lectura na familia, nos que se prima o exemplo (“si ti les, eles len”) e a colaboración familia-escola.

 Dentro do plan de animación a lectura na familia dicir que este venres, día 10 de outubro, foi un venres moi familiar, pois comezaron a súa andaina dous coñecidos proxectos: as Mochilas Viaxeiras e “Ler en Familia” e a protagonista de “Os venres… un conto” foi unha nai.

 
Xunto a estes tres proxectos xa coñecidos e valorados lembrar as familias a existencia doutros dous proxectos: ALEA (Autopréstamo/Animación a Lectura Adulta) e ALIF (Animación a Lectura Infantil na Familia); dous proxectos que pretenden fomentar a lectura abrindo o servizo de préstamo as familias, os luns de 5 a 6 h., aproveitando a hora de pais.

 Cando todos sumamos, melloramos!

 

 

Adxunto:

 

Triptico Ler en Familia

1.    

Cuentos y canciones con pictogramas

Cuentos personalizados

Cuentos y leyendas

O Apalpador

Como estamos preto do Nadal invítovos a coñecer e lembrar a mítica figura do Apalpador,  carboeiro que según a tradición baixa a noite do 24 ou 31 de decembro a apalpar as barrigiñas aos meniños deixándolles un montón de castañas.
Aquí tedes unhas breves cancións tradicionais, recollidas da wikipedia, e un LIM que forma parte dunha Procura do Tesouro sobre o Apalpador, da biblioteca do CEIP Condesa de Fenosa do Barco de Valdeorras

Hoxe é día do Nadal,

día do Noso Señor

ide logo para a camiña

que vai vir o Apalpador.

·············

Hoxe é día do Nadal,

vai neniño para a camiña

que vai vir o Apalpador

a apalparche a barriguiña.

·············

Hoxe é día do Nadal,

que haberá gran nevarada,

e há vir o Apalpador

cunha mega de castañas.

·············

Por aquela cemba,

xa ven relumbrando,

o señor Apalpador

para darvos o aguinaldo.

Comprensión Lectora

Actividades para mejorar la Comprensión y Velocidad Lectora

Comprensión Lectora - JueduLand

ANIMACIÓN A LA LECTURA

LECTURAS