Recomendacións lectoras para o verán

RECOMENDACIÓNS LECTORAS PARA O VERÁN

Agardamos que estas recomendacións do Colectivo Lemos le, colectivo do que formamos parte, sexan do voso agrado.

Feliz Verán!

Sheila Díaz, Poemas

Síntome moi feliz publicando estes fermosos poemas da nosa alumna, Sheila Díaz Rodríguez,

QUE GRAN POETA!!!

 

 

A Primavera

 

Despois da noite chega o día,

e tralo inverno, a primavera con alegría:

as andoriñas voan na eira,

sáenlle flores á ameixeira,

a bolboreta ó ourizo esperta,

o aire arrecende e o sol xa quenta.

 

 

O Verán

 

As ramas das árbores están adornadas

con froitas apetitosas e coloradas.

Á mañá cedo os animaliños

saen dos tobos cos seus filliños.

O día e moito máis caluroso,

chegou por fin o verán fermoso!

 

O Outono

 

A árbore sen follas vai quedando

e as uvas vanse vendimando.

Cheíña de figos está a eira

e o labrego recolle a súa colleita.

Os nenos van á escola cos libriños:

aquí está o outono, meus amiguiños!

 

O Inverno

 

A neve branca cae sen parar

sobre a casa, as árbores e o chan.

Fumegan chemineas

e péchanse as portas,

e os nenos esvaran polas costas.

O moneco de neve,

tan terno, anuncia que chegou o inverno.

Noelia Sánchez, deportista de elite

Este martes, 7 de xuño, visitounos Noelia Sánchez, xogadora de voleibol excapitana de A Pinguela.

Esta deportista monfortina que se iniciou no voleibol de “rebote”, tras 8 anos (dende os 16 anos)  xogando na Superliga e 130 partidos oficiais coa selección española e unha mostra de que con esforzo e ilusión todo é posible.

A excapitana de A Pinguela, suma dous campionatos de Superliga, catro copas da Raiña e tres supercopas. A pasada campaña conquistou co seu equipo un triplete histórico. Ademais, esta temporada competiu con Naturhouse Ciudad de Logroño en Europa, certificando unha máis que aceptable primeira fase.

Ademais da súa importancia a nivel deportivo, amplamente recoñecida, queremos destacar a súa faceta humana, pois dun xeito totalmente altruísta veunos falar da súa experiencia como deportista, da importancia da alimentación, o deporte, o esforzo, etc.  incluso xogou coas alumnas de voleibol do centro e para rematar doou unha camiseta que se sorteou entre os alumnos e que Gabriela tivo a sorte de recibir.

Aquí posa con Gabriela, alumna agraciada coa súa camiseta e con  

Rubén López,

futbolista alevín do Calasancio que se estreou o pasado 13 de maio coa selección galega sub-12 en Murcia na fase final do campionato de España.

Moitas grazas Noelia!

Campionato comarcal de xadrez escolar

Onte venres, 18 de marzo, o noso colexio acolleu o campionato comarcal escolar de xadrez  entre diversos centros educativos da zona sur de Lugo.

Entre as once e as doce e media do mediodía, competiron oitenta escolares dos centros educativos de Chantada (Eloisa Ribadulla e Xoan de Requeixo), Taboada, Carballedo, Escairón e Monforte (Escolapios, A Gándara e Colexio Novo), proclamándose campión o CEIP Eloísa Ribadulla de Chantada que logrou vencer ao pentacampión CEIP Xoán de Requeixo, tamén de Chantada, namentres a cuarta praza foi para o colexio de Carballedo

O noso equipo, Xadrezforte, integrado por Javier, Alejandro, Esther, Nicolás, Lucía, Noé, Pablo, Daniel, Teresa, Anier, Gael e Jorge proclamouse coa medalla de bronce.  Un triunfo que se suma ao primeiro premio acadado na competición autonómica de xadrez na que Xadrezforte se impuxo por 3,5-0,5 ao Lalín. Gañaron Anier e Jorge, mentres Gael fixo táboas.

 Ao rematar o campionato procedeuse a entrega de trofeos, acto no que estivo presente, entre outros, a concellala de Cultura, Marina Doutón.

 

  

Moitas felicidades a todos os participantes pola deportividade e o gran nivel que amosaron.

Día Internacional contra a Violencia de Xénero

 

Baixo o lema: "o traballo non ten xénero", conmemoramos a data do 25 de novembro, día internacional contra a violencia de xénero.

Mural de Outono

Xa chegou o outono ao CEIP de Monforte.

O alumnado de 3 anos de infantil, tras unha  excursión polo patio do colexio, na que   descubriu, observando as follas, a existencia de diferentes árbores, o colorido típico das follas en outono e a existencia de árbores aos que non lle caen as follas; realizou coas follas recollidas un fermoso ourizo.

 

 

Excelente traballo!!!

Mochilas Viaxeiras 15-16

Onte, a  primeira hora, foi a entrega das mochilas viaxeiras

 

Todos os nenos estaban agardando a súa chegada e foron recibidas con moita ilusión,
ansiosos por descubrir o DVD e as lecturas en galego, castelán e inglés da súa mochila e poder ler e ver, en familia, no caderno de bitácora os comentarios e ilustracións de todos os compañeiros.

Este ano engadimos ao  tradicional marcador de presentación da actividade, información referente ao fomento da lectura (os dereitos do lector de Daniel Pennac traducidos ao galego, os decálogos para pais e nenos do Ministerio de Cultura, …)

 

O falar do pobo, un libro de todos

Coincidindo co Día da Patria Galega sae a luz o noso primeiro libro resultado da colaboración cidadá: O falar do pobo, un libro de todos.

Agradecemos ao pobo de Monforte que soubo conservar e compartir con nos a súa literatura popular.

Poñemos a disposición de todos esta recompilación de ditos, refráns, adiviñas, poemas… de Monforte en Biblioforte dixital:    http://www.bibliofortedixital.ceipmonforte.es/   

Esta experiencia de colaboración cidadá foi tan gratificante para nós que consideramos a posibilidade dunha segunda parte, na que recoller todas as novas aportacións que se queiran facer directamente no noso centro ou a través do correo electrónico: ceip.monforte@edu.xunta.es  e/ou  biblioforte@ceipmonforte.es  .

 

Boa lectura!

La Hora del Planeta

Lembrade que hoxe, 28 de marzo, de 20:30 a 21:30 é a hora de apagar voluntariamente a luz e outros aparatos eléctricos  a favor do medio ambiente e en contra do cambio climático.

A continuación  tedes un vídeo que só se pode ver coa luz apagada e a famosa canción “”apaga la luz, enciende el planeta!

"Apaga la luz abre tus ojos"

 

 

Leydi Aldana, Os venres un conto.

Hoxe, venres, 27 de marzo, no recreo, voltou ao noso centro unha ex - alumna moi especial para nós.
Leydi Aldana é invidente, pero iso non lle impide desenvolver as mesmas aprendizaxes, ter as mesmas alegrías e   as mesmas ilusións que o resto do mundo.
É un exemplo de loita, de superación, de ledicia, que transmete a cada momento en cada un dos seus actos.  Contonunos a fábula do lobo e a cegoña e  unha historia de Peppa (en infantil) e respostou todas as preguntas que os nenos e nenas lle fixeron, encantada de estar novamente eiquí. 
Grazas Leydi¡¡

María Castaña

Como lembrades o curso pasado estudamos a figura de Inés de Castro e este curso centrarémonos na figura de María Castaña.
 Aquí tedes uns enlaces para coñecer un pouco máis desta famosa muller da nosa comarca.
 -A verdadeira historia de María Castaña
 -Albúm de mulleres galegas 
 -Lucenses ilustres 
 -María Castaña, heroína galega do S.XIV
 -Quién era maría Castaña

Díaz Castro

O 19 de febreiro celébrase o centenario do nacemento do poeta Xosé María Díaz Castro, a quen este ano se lle adica o Día das Letras Galegas. 

Con esta reportaxe emitida no programa "Desde Galicia para o Mundo" sobre Díaz Castro empezamos a nosa particular homenaxe ao citado poeta o día en que se cumpren 100 anos do seu nacemento.

 
En segundo lugar parécenos moi interesante a información recollida na páxina web da Secretaría Xeral de Política Lingüística  e o traballo realizado dende a biblioteca e o conxunto do equipo docente e alumnado do IES Poeta Díaz Castro de Guitiriz , onde podedes atopar xogos sobre poesías, cancións, etc.

Concurso-Exposición: Fotos de ríos, mares e regatos

Estamos moi contentos porque nos están chegando moitas fotos para participar no concurso-esposición fotográfico.
Aínda que nos faltan moitas por colocar, aquí vai unha imaxe, para amosar como está quedando a exposición e para agradecer  a vosa participación.
Grazas a todos!

Exposición de circuitos

Dende a pasada semana, na biblioteca, podemos disfrutar da exposición de circuítos eléctricos realizada polos alumnos de 6º, na que nos amosan as súas dotes creativas e a posta en práctica do aprendido na clase.
Para a todos aqueles que aínda non a visitaron, recordar que poderán facelo ata o xoves día 20.

Para ser un buen lector

OS FANTASTICOS LIBROS VOADORES DO SEÑOR MORRIS

Presentámosvos este fermoso corto,  OS FANTASTICOS LIBROS VOADORES DO SEÑOR MORRIS, vencedor do Oscar 2012 a mellor curta-metraxe.
Trátase dun corto no que se amosa a influencia que teñen as historias sobre a xente e o poder curativo das mesmas. Inspirado a partes iguais no furacán Katrina, Buster Keaton, O Mago de Oz e o amor polos libros; é unha carta de amor aos libros.
Agardamos que vos guste.

Nobel de Literatura 2012

  O premio Nobel de Literatura neste ano 2012 foi outorgado ao escritor chino Guan Moye coñecido como MO YAN, que significa Non fales. Escritor de orixe labrego, nace na provicia de Shandong, ao noreste de China, no ano 1955, aos 12 anos ten que deixar a escola e aos vinte alistouse no Exército Popular de Liberación e empeza a escribir. Nos seus escritos manifesta unha visión máxica e realista de China e é un dos autores mais lidos e respetados no seu país.

"Sorgo Rojo" é unha das súas obras máis coñecidas.